Алёна Павловна Шукалович

Займаюся беларускай мовай больш за 10 гадоў.
Алімпіядніца па беларускай мове са школы. Маю чырвоны дыплом філалагічнага факультэта ГДУ ім. Ф. Скарыны (2017), скончыла магістратуру таго ж універсітэта (2019), аспірантура БДУ (паступіла ў 2022). 5 гадоў практычнай дзейнасці ў старэйшых класах школы, кожны год — настаўніца беларускай мовы ў выпускных 9 і 11 класах. Тры гады ў рэпетытарстве, стабільна добрыя вынікі вучняў: ад 72 балаў на ЦТ/ЦЭ.
Рыхтую да ЦЭ 10−11 клас, экзаменаў у 9 класе, дапамагаю пачаць размаўляць па-беларуску, павышаць агульны ўзровень валодання беларускай мовай. Заняткі толькі анлайн. Працую праз відэасувязь у Zoom, заўсёды аператыўна адказваю на ўсе пытанні ў любых мэсэнджарах.
Для мяне важны спакой і камфорт вучняў, таму я заўсёды з імі на адной хвалі, але настаўніцкі кантроль паспяховасці таксама падтрымліваю.
Выпрацавала сваю сістэму падрыхтоўкі да экзаменаў. Заўсёды арыентуюся на асобу і патрэбы вучняў, падбіраю індывідуальныя стратэгіі для атрымання самага лепшага рэзультату. Працую з вучнямі з любой першапачатковай базай. Будую сістэму, сама апрацоўваю і ствараю матэрыялы да ўрокаў. Да кожнага ўроку — яскравыя прэзентацыі, якія ўтрымліваюць табліцы, схемы, алгарытмы для лёгкага запамінання матэрыялу; хатнія заданні, што забяспечваюць лёгкае засвойванне пройдзенага, для ЦЭ і ЦТ шмат тэстаў і акцэнт на практыку; выніковыя тэсты пры завяршэнні раздзелаў. Для 9 класа — эфектыўная методыка падрыхтоўкі да пераказу, адпрацоўка навыкаў працы з тэкстам, акцэнт на індывідуальныя хібы, праца з хатнім заданнем на зручнай анлайн платформе.

Карацей, тлумачу, пакуль не зразумееце, але зразумееце хутка! :)

Першы пробны занятак БЯСПЛАТНЫ.